ശ്രവണസഹായി വിതരണം
ജനക്ഷേമ വാർത്ത
🤝 കേൾവിയുടെ മധുരം തിരികെ നൽകി
പള്ളിച്ചൽ ഗ്രാമപഞ്ചായത്ത്! 💙
കരുതലിന്റെയും കാരുണ്യത്തിന്റെയും മാതൃകയായി ശ്രവണസഹായി വിതരണം
💙 കേൾവിക്കുറവുള്ളവർക്ക് ആശ്വാസമായി പള്ളിച്ചൽ ഗ്രാമപഞ്ചായത്തിന്റെ ജനക്ഷേമ പദ്ധതി വിജയകരമായി പൂർത്തിയായി.
പള്ളിച്ചൽ ഗ്രാമപഞ്ചായത്തിന്റെ 2024–25 വാർഷിക പദ്ധതിയിൽ ഉൾപ്പെടുത്തി പഞ്ചായത്തിലെ കേൾവിക്കുറവുള്ള പ്രിയപ്പെട്ടവർക്കായി സംഘടിപ്പിച്ച ശ്രവണസഹായി (Hearing Aid) വിതരണം വിജയകരമായി പൂർത്തിയായി.
ദേശീയ ശ്രദ്ധയാകർഷിച്ച NISH (National Institute of Speech and Hearing)-ൽ നിന്ന് ലഭ്യമാക്കിയ അത്യാധുനിക ശ്രവണസഹായി ഉപകരണങ്ങൾ പള്ളിച്ചൽ കുടുംബാരോഗ്യകേന്ദ്രം കോൺഫറൻസ് ഹാളിൽ നടന്ന ചടങ്ങിൽ വിതരണം ചെയ്തു.
ചടങ്ങ് ബഹുമാനപ്പെട്ട ഗ്രാമപഞ്ചായത്ത് പ്രസിഡന്റ് ശ്രീമതി വി. ബിന്ദു ഉദ്ഘാടനം നിർവഹിച്ചു. ചടങ്ങിൽ ഗ്രാമപഞ്ചായത്തിലെ ഭരണസമിതി അംഗങ്ങൾ, വാർഡ് മെമ്പർമാർ, ആശാ പ്രവർത്തകർ, പാലിയേറ്റീവ് വോളണ്ടിയർമാർ തുടങ്ങിയവർ പങ്കെടുത്തു.
✨ സമൂഹത്തിലെ സാധാരണക്കാരായ മനുഷ്യർക്ക് താങ്ങും തണലുമാകുന്ന പ്രവർത്തനങ്ങളുമായി പള്ളിച്ചൽ ഗ്രാമപഞ്ചായത്ത് എന്നും മുന്നോട്ട്! ✨